( قدرتوا تنسوا)
يااهل الهوى إزاي قدرتوا تنسوا
وازاي تنسوا ليالي غرامنا وتقسوا
في يوم وليله نسيتوا حبنا وقدرتوا تتغيروا
هجرتونا وغيبتوا عنا وسيبتونا ليه تتحيروا
حبكم في القلب كتير تاعبنا
مبكينا ومسهرنا الليل وشاغلنا
مين يااهل الهوي علم قلوبكم القسيه
وإزاي قلوبكم قدرت تنسي ليالي الحب والحنيه
القلب مشغول بيكم
والعين سهرانه ليكم
دمع عيني في هواكم فاضحني
وفي لياليكم الفكر واخدني
من يوم ماهجرتونا وغيبتوا عنا الشوق مدوبنا
والحزن ليل ونهار ملازمنا ومش سايبنا
والحنين آه منه الحنين
قتلني واقول ننساكم قلبي مايطاوعني
وانت ياحبيبي قاسي عليا اشتاقلك مابترحمني
ليه سايب طيفك يشاغلني ليلاتي ويجيني في المنام
خلاني مش قادر انسي اللي بينا من كلام
ولا قادر انسي اللي بينا من عشق وغرام
وانتوا يالايمين علي إيه بتلوموني
وياحاسدين علي ايه بتحسدوني
تعالوا شوفوا عذابي ومراري في غرامي هتعذروني
ياحبيبي غصب عني مش بايدي
مش قادر انسي حبك لحظه واحده يانور عيني
تعالي أوام ياعمري وإنسي هجرك
هتلاقي قلبي علي طول سامحك
كفايه صبر صبرته ياناسيني وإنسي هجرك ليا
وانت بعيد عني ياقاسي بُعدك عني كتير أثر فيا
قلبي خايف يكون قلبك مشغول بحب جديد
ورغم كل الشوق وعذابه بتمنالك تعيش متهني سعيد
وان كان عليا الذكريات الحلوه بينا كفايا عليا
هتفضل عايشه جوايا مهما كان صعب علي قلبي وليا
خواطر (اشرف الدغيدي)
ليست هناك تعليقات:
إرسال تعليق