في ساعة غضب
افترقنا
ومن وقتها عدت سنين
مش عارف احب
مشتاق للحب
واحشني الحب
ونفسي احب
ومش عارف
انا قلبي بينبض
ولا بقي حتة صب
وكل ما اشتاق اليها
وأحن ليها
بسأل عليها
يقولولي
خلي عندك دم
دي لسة عاوزاك
ومستنياك
وعايشة علي ذكراك
ولسة حافظة نمرتك
بس انت رن
وقول الوه ياعم
خلي الشرايين
تجري فيها الدم
ونجمع شمل الأحبة
ونفرح بيكم ياعم
كفاية بقي نكد
وكفاية بقي غم
دا الحب سلطان
ما يغلبوش جان
وسيبك من كلام الناس
وولاد الخال والعم
وبلاش تقول
مش عارف احب
ومشتاق للحب
وواحشني الحب
ونفسي احب
لأنك غرقان
في نهر الحب
ساعة غضب
احمد محمود
ليست هناك تعليقات:
إرسال تعليق