( تخاريف )
بنزرع خير في ناس قريبين
لكن بنلقاه في ناس تانيين
بنزعل آه ونتعب ياما
لكن في الآخر آدينا ماشيين
صبرنا وقلنا ده لحم ودم
وشيلنا عشان غيرنا الهم
وبنزعل وبنتعب آه ولسة
بنقول ده خال وده وعم
وبردوا نرجع تاني ونتكلم
وجروحنا حيا جوانا بتتألم
وننسى وعمرنا ما بنأسى
ولحد.ما نموت وما بنتعلم
آه يا زمن بقيت كلك مصالح
ناس تكرهك وتجيلك تصالح
إنسى يا قلبي إنسى يا قلبي
خليك زي ما إنت وسامح
الشاعر
( جمال رمضان )
ليست هناك تعليقات:
إرسال تعليق