_____________
آه يا دنيا...
آه يا دنيا العجب
فيكي الفقير موجوع
صوت الغني مسموع
دا الموت ملوهش رجوع
دنيا ومنفاته...
فيها الفقير منداس
والكل من غير سبب
فاكر انه سيد الناس.
وآه يا دنيا
آه يا دنيا مدوخاني
أمته بقي هتريحيني
وتشيلي شويه من على جبيني
نفسي أعيش
نفسي أعيش بحياتي حبه
سعاده.. فرح مع الأحبة
وآه يا دنيا
وشوشي الودع وهدي
خالي الدنيا تبقى وردي
داوي قلب المجروحين
ف عيون الطيبين
حد ضامن بكره يفرح
أو يأمن يمشي منها
وجو قلبه... كلمتين
وتحت عينه... دمعتين
وآه يا دنيا..
آه يا دنيا حسي بيه
حسي لحظه باللي فيه
ليه..
ليه بتأسي كتير عليه
فرحيني ودوري بيه
وجبيلي كمان هديه
خالي قلبي يعيش شويه
وآه يا دنيا..
عايزه أطير...
عايزه أطير بهوايا واسرح
وانسى حزني ف كل مطرح
وسعي ..
وسعي للفرح حبه
وعطريه بالاحبة
نفسي اخطي خطوتين
واملى قلبي بالحنين
عيشت يومي ونفسي بكره. انسى حزني ويبقى ذكرى
أو حتى اكتب أي فكره
تزيد ف قلبي دقتين
وآه يا دنيا..
نفسي اقول للدمع سيبني
ليه..
ليه تملي معاك واخدني
ياريت يابكره تكون سمعني
وتدق بابي بوردتين
ياريت ياحزن تكون ناسينا
ونقول يافرح احنا استبينا
وآه يادنيا.....
آه يا دنيا غداره ....
كنت فكره ان ممكن اعيش لبكره
من غير حزن وحيره وفكره
اتاري الدنيا دواره ،
بتغدر كل يوم بينا
تاخدنا لفوق وتر مينا
فوق ساقية دايره دواره
لا عارفه امته تقف بينا
ولا حتى فين تودينا
ف ارض بور مليانه شوك
أو زرعه خضره تروينا.
وآه يا دنيا...
رايحه فين....
رايحه فين يا دنيا بينا
ف اي لحظه بتبعينا
نفسنا...
نفسنا ف يوم تشترينا
نمسك الدنيا بإيدنا
ونقول يارب انت المعين
ونقول يا رب انت المعين
إيمان ذهني
ليست هناك تعليقات:
إرسال تعليق