اللى مالوش فى الحب يروّح
واللى مالوش فى العشق ينام
لو محتاج يعشق أو يفرح
يحضر عندى بسرعة آوام
واللى يخاف م الحب ويهرب
ويخاف حتى ف مرة يجرب
بكره أكيد على نفسه هيصعب
و دى مسألة مش عايزة كلام
اللى مالوش فى الحب يروح
واللى مالوش فى العشق ينام
أزاى عدى العمر بحاله
ومافكرشى يكون له حبيب
قافل قلبه وماشى فى حاله
ويقول كله قدر ونصيب
بقى مش عارف معنى الحب
ولا إمتى ولا إزاى تحب
أيه لازمته بقى يعنى القلب
لو فى الحب ماكنش تمام
اللى مالوش فى الحب يروح
واللى مالوش فى العشق ينام
حاول من أحزانك تخرج
وأنسى وجرب سهر الليل
ع الدنيا وجمالها اتفرج
فيها الحب أكبرها دليل
على بساطتها وعلى فرحتها
على كتر جمالها وحلاوتها
عارف لو يوم مش حاستها
مش هتشوف الخير قدام
اللى مالوش فى الحب يروح
واللى مالوش فى العشق ينام
ليست هناك تعليقات:
إرسال تعليق