☆•• شبيه النيل ..أنــا ••☆
ةةةة
مين بيحبها ..أدى ؟!
كتبتها على قدى ..
على صدرى ..على خدى
ف كراسى بإحساسى
تقول فاسى ..مع نشدى ..
مين بيحبها ..أدى ..؟!
ست الحسن ساحرالى ..
ساكنه ف قلب موالى..
فى هدئتى وترحالى
هى مهرتى ..وخيالى
ضحكة نورها على شالى
على جبينى ..ضيا مندى
مين بيحبها ..أدى ..؟!
أشيل الحر باكتافى ..
وأعدى البرد ..متعافى
شبيه النيل اناموافى ..
أجود بالود ..من شهدى
مين بيحبها ..أدى ..؟!
أعمل ضهرى ..سقاله
وإيديا العمر كحاله ..
لاهى تنبل و لا عواله..
يا أم الزرع .. رجاله
نشيل الهم ونعدى ..
مين بيحبها ..أدى ..؟!
عشانها الدنيا ..بقت دنيا
تكحل عينها ..بالعنيه !!
تميل وياها ..لو مالت
تخطى الصعب لوخابت
تصحى الشمس لو نامت
تصحا معاها ..بالثانيه ..
تقرا الذكر مع ..وردى
مين بيحبها ..أدى ؟!
حبيبة العمر ساكنانى
ساكنه قلبى ووجدانى
أموت عشانها وانا راضى
أموت مره ..أموت تانى ..
وانا بترابها ..متوضى ..
طب..مين بيحبها ...أدى ؟!!
ه.ه.ه.ه.ه.ه
الشاعر/ابراهيم القاضى
ليست هناك تعليقات:
إرسال تعليق