( غابوا عنا )
فارقونا وراحوا وهما أحباب
غابوا عنا وماحنوا علينا
وطال بينا الصبر ع الغياب
نسأل عنهم ومايسألوا فينا
وهواهم عيشنا في ويل وعذاب
ومن كتر الشوق والحنين
بات ع الخد دمع العين
وهما علينا لساهم قاسيين
نشكي ونحكي وجعنا لمين
ولاَّ ناخد علي خاطرنا منهم
وننساهم وما نسأل عنهم
ونبيع هواهم ومانسامحهم
ولا نلوم يادنيا مين
ع اللي احنا فيه ووصلنا لييه
نلوم القلب اللي باع شاريه
ولا نلوم اللي ماطمرش فيه
ولا نلوم الزمن علي قسوة الأحباب
واللي من غيرهم مابقتش فارقه لينا حياه
ولا نافع معاهم أي عتاب
كفايه كسرة القلوب وقسوة الأيام
هو انتي يادنيا تساوي إيه بعد ما الحب ضاع
كنتي قاسيه يادنيا وفاكراني هقدر أتحمل
وأي أوجاع هقدر أشيل وما اتألم
ونسيتي يادنيا إني أنا إنسان
وليا حدود للصبر والإحتمال
أنا مش ملاك وهفضل اسامح العمر كله
ولاهقدر انسي قسوة حبيبي وظلمه
لوكنت شوفت منه شوية حنيه
يمكن كنت أقدر انساله أيام القسيه
خلاص ياقلبي ارتاح وكفايه ألم وجراح
خلينا نجرب ونبعد عنهم يمكن نحس يوم بالأفراح
وانتي ياروحي ياسبب نوحي
ياللي إتذيتي واتعذبتي كتير
ربنا يسامح اللي ظلمونا هما اللي خسروا حبنا الكبير
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق