( وآه لما توحشيني )
لو بإيدي ياحبيبتي كنت أسرق كل ليالي الأحبه والعشاق ونعيشها سوا
واطير للسما واقطف بإيدي أجمل نجومها واعملها بايدي عُقد اقدموا ليكِ هديه
واكتب حكايتي وحكايتك للعشاق بدقات قلبي وكلها حب وحنيه
وأرسم الضحكه الصافيه علي شفايفك كل ايام عمرنا وما اشوفها يوم حزينه
آه لو تعرفي ياحبيبتي حبك في قلبي قد إيه
إنتي الأمل اللي طول عمري عايش عليه
وياما قلبي كان غصب عني كل ليله يسهرني
ولما تغيبي عني كنت أحنلك
ومين ع الشوق يقدر يصبرني
ياحلم جميل وأمل نور حياتي وبالحب بنيته
وكل طريق فيه خطاوينا كان قلبي ياخدني ليه وما يرتاح إلا لو مشيته
وآه لما توحشيني احس بروحي وروحك طايرين في السما
ودنيتنا انا وانتي ياحبيبتي دنيا حلوه مليانه بالهنا
لافيها دمعه حزينه ولا بيني وبينك لحظة ندم
وبإيدينا كنا نداوي اي جرح كان وننسي أي ألم
ولما أبعد عنك غصب عني او تبعدي عني غصب عنك يتحرم علي عنينا المنام
وافضل طول الليل افكر وافتكر ذكريات الهوى والغرام
والحب الجميل اللي زرعناه في قلوبنا
هيفضل جوانا مفرحنا طول رحلة عمرنا
وتفضل حياتنا سعاده وهنا مهما طالت السنين
وجوانا الشوق كاوينا ومدوبنا الحنين
ونقول للهجر والخصام ابعد عننا ليل ونهار
دي قلوبنا ماتقدر تتحمل عذاب الانتظار
دا انا وحبيبتي حبينا بعضنا قدر ونصيب ومن غير إختيار
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق