قافلة الصفحة بقلم ..( Rabab Fonon )· الشاعر محمد عبد المقصود داود

 

منتدى و مجلة حروف الكلام

Rabab Fonon ·

قافلة الصفحة

وسايبه الصورة تقولى مسامحه

مسامحه سنينى سنينك

مسامحه الدنيا السارقة الفرحه

وانا باقولك

لسه باشوفك زى ماكنتى

طفله وسايبه الشعر من غير طرحه

طفله بريئه

وفى لحظة جريئة

تمسك ايدى تقولى دقيقة

كل ملامحك لسه فاكرها

كل خطوط الوش عارفها

رغم سنين العمر القاسية

قاتلة حلم العمر وناسية

انك جوا القلب فى كل شوارعه وناصية

مهما انغير فينا ملا محنا

صوتك سامعه من اخر لحظة

شايل حبى وطالع بره

حتى مشاعرك حاسس بيها كأننا اول مره

قافلة الصفحة وسايبه الصورة

تحكى مشاعر كات مكموره

تحكى اول لحظة جريئة

اول نبضة تبنى حقيقة

لما انكشفت احلى دقيقه

فجاءة انطلقت فى لحظة جريئة

ايوه بعدنا بعيد بعديها

لما ظروفنا خصمت بعضيها

بس قلوب عايشه مصالحة

نبضة بنبضة والله مسامحه

كنتى احلى حروف اتغنت جوا قصيده

حاجة قديمة وحاجة جيده

رغم الفاضل منا ذكرى بعيده