أغنية...في الدولاب
ده في الدولاب...
كااان فيه فستان...
قابلتك بيه فاكر...
أنا مره زمااااان...
لما كاااان...
في بينا أشواق و غرام...
و العيون بينا في همسنا...
تفضحنا برموشنا...
عماله ترسل بينا في الإشارات...
ده في الدولاب...
كااان في فستان...
فاكره يا حبيبي فاكره...
ده كان مرسوم عليه...
قلوب نايمه...
بشوق و حنين...
علي ديل الفستان...
و حاطه أنا علي أكتافي...
شال بلون صافي...
هو بلون قلوب الفستان...
و هو اللي خلاك...
تخوم حواليا..
و تلاغيني با أحلي كلام...
توصف بيه ليك ليا غرام...
فاكره يا حبيبي فاكره...
ده كان مشغول...
بعيون حسود و عزال...
باصه علي القلوب...
اللي نايمه بهدوء...
و رافضه تفوء...
و تسيب ديل الفستان...
و خرجنا و مشينا...
و الكل مذهول من حوالينا...
و سارحنا في جناين ورود...
طارحه لينا زهور...
و ماسك إنت في أيديا...
و بتقولي حاسبي يا عنيا...
علي ده الفستان...
علشان ح يبقي بالنسبالنا ذكريات...
فاكره يا حبيبي فاكره...
ده كان عاكس ضي قمر...
يبان ذي الصدف...
في ليالي خريف العشاق...
و السما راميه...
بلونها علي الفستان...
ده في الدولاب...
كاااان في فستان...
و الخطوه في قربك...
كانت ذي المد و الجزر...
بتغذي الليل با إشعار عشاق...
و حلمنا ساعتها...
إن العمر بينا...
ح يركب مراكب الأحلام...
و تبحر بينا في بحور الأيام...
بكل سلامه و أمان...
فاكره يا حبيبي فاكره...
ده هو الكلام اللي كان بينا...
و حلفنا ساعتها...
إن موج الهجر عمره...
ما ح يوصل لديل الفستان...
و في عز حبنا...
كتبت علي القلوب أنا...
اول حروف من أسمنا...
بترتر داير إيام حبنا...
و شيلته با أيدي أنا...
بكل حب في الدولاب...
فاكره يا حبيبي فاكره...
ده كان مشغول بخيوط حرير...
تربط القلوب بسهام كيوبيد...
و سهامه راشقه فينا و فيهم...
و ماليا ديل الفستان...
طب أهو بقى...
أدي بالت خيوط الفستان...
و إنكسرت في القلوب كل السهام...
و بهت لون الشال...
و أنكرمش و بقي متكسر الفستان...
من كتر حاطته في الدولاب...
فاكره يا حبيبي فاكره...
ده أخر مره لبستهولك...
ده كاااان زمااااااااان...
لما شوفتك في حضن غيري...
بتخني كده عيني عينك...
و كان في بينا في المكان ميعاد...
و لما شوفتك دمعت عيني...
و طلعت أجري...
ماسكه في أيدي...
ديل الفستان...
ده في الدولاب...
كااان في فستان...
و الهجر بقي بينا...
عمره من عمر حاطته في الدولاب...
و كل يوم أنا أشوفه...
دموعي تنزل على قلوب الفستان...
و اسمعها و هي بتصرخ...
و بتقول ليه حبيبي...
طلع كده غدار...
فاكره يا حبيبي فاكره...
ده لما قولتلك...
اوعي قلبي يهون عليك...
و لما تحب تخون و تهجر...
خد معاك الفستان...
علشان ما أشفهوشي أنا بعيوني...
و إفتكر بقى دي الأيام...
و عواصف الهجر تعصف...
بدقات قلبي الولهان...
و تحول الذكريات...
كل ليله بصراخ و آلام...
فاكره يا حبيبي فاكره...
جه كل كل ميعاد فيه تجيني...
متأخر و تقعد تقولي في لي أعذار...
و في الاخر تقول معلش...
يا حبيبتي...
أصل كان عندي ميعاد...
و جيتلك ده الخاتم...
هديه تحطيه مع الذكريات...
ونا عارفه إنك جى لسه...
من عند غريمتي في هواك...
بس كنت أنا مستنيه...
منك تقولي بقي كلمة الوداع...
و تطلب مني أجبلك الفستان...
و إنت اللي خليت عزالي...
هما اللي يبلغوني...
خيانتك ليا...
و غدرك فيا...
اللي دامت معاك...
طول المشوار...
و يجوني يزروني...
عايزين بقي يشوفو الفستان...
فاكره يا حبيبي فاكره...
ده كان كلامهم عنك...
مر علقم...
اشربه أنا من أيد العزال...
و هو كان السبب...
في إنه اصفر لون الفستان...
و قصة ده الفستان...
بقت عجبه عل كل لسان...
يتسامرو فيها و بيها عليا...
في كل السهرات...
و يتغامزو بيها عليا...
في الرايحه و الجايه...
و يقولو و يشاوره...
أهي اللي حببها غدر بيها و خان...
فاكره يا حبيبي فاكره...
ده لو جيت تطلبه...
دلوقتي مني الفستان...
ح تلاقيه إتقطع في أيدك و داب...
ده في الدولاب...
كااان في فستان...
قابلت بيه أنا مره زماااان...
معقوله مش فاكره يا حبيبي...
طب ذي ما إنت نسيته...
أنا نسيتك كمان...
و الفستان هو كمان نساك...
ده في الدولاب...
مع تحيات شاعر الوجدان
الشاعر السكندري/علي الطاووس
ليست هناك تعليقات:
إرسال تعليق