كنت فاكره ..! بقلم الشاعرة ..إيمان ذهني

#كنت_فاكره_
إني_أغلى_من #حياتك
وأن كل ذكرياتك
وأن مهما طال ف عمرك
مش هتنسى حبي ليك
لكن.. بعد ما عيشت عمري
اكتشفت ..إن كلهُ كان مجرد ذكريات
وإن كل كلمة منك كات مجرد أمنيات
لما عدى العمر يجري
اتنست ويا السنين
واختفت وياه مشاعرك
واتمحت من غير حنين
راح فين حرفي ما بين حروفك
 فين قلبي ما بين كفوفك
  فين وعدك لى  قولى ..
!هو الحب يا ناس ملاغية
ساعة الجد يكون ف قضية
راح فين حبك والحنية
ليه الحب قلبته أسيه ..!
انا لما كنت بحلم
كنت بشوف نفسي معاك
روحي دايبه في هواك
ليلى  نهارى بكون وياك
نفتكر مع بعض ضحكة
والا كلمة تملى قلبي
اتاريني_كنت_بحلم
كنت فاكرة إني لسه جوه قلبك
وأن لما اشتريك
والا قلبي يحن ليك
الاقيك واقف قصادي
وبتاخدنى بين إيديك
الغرور عمى عينيك
والضمير مات بين إيديك
جرى_إيه_يا_ناس_قلولي
الحياة بقيت كئيبة
في ناس بقيت خبيسه
وسط ناس خاينه وخسيسة
اللي باع صحبه ف غيبه
واللي خان عهده ف شيبه
واللي شاف نفسه ف هيبه
جرى_إيه_ياناس_قلولي
هي دي الدنيا العجيبه
والا دي مجرد مصيبه
صابت ناس بقيت غريبه
كنت_فاكره_إني_أغلى_
من_ حياتك
وأن كل ذكرياتك
وأن مهما طال ف عمرك
مش هتنسى حبي ليك
كنت فاكره......   الشاعرة .. إيمان ذهني