( مسحراتي رمضان) الحلقة الواحدة و العشرون....يقدمه لكم .. الشاعر .. هانى نبيل الفحل

 

( مسحراتي رمضان)

الحلقة الواحدة و العشرون....

دليفري دليفري .. طيار بيجري..

مهمته التوصيل كإنه قطر مجري

موتسيكل تحت أمره عارف طريقه دوغري..

مشواره مش طويل .. و راضي بالقليل..

يا بخت من يزوره ..نازل من فوق موتوره ..

حته آخر موديل..

يسأل فين السبيل.. و إيه بقى الدليل..

بيوصل الأمانة.. و يكره الخيانة ..

و يشارك ف الصيانة..

كريم ماهوش بخيل..

أخلاقه تقول ميزانة..

يتشال م الأرض شيل..

يركب أسانسير إذا كان حمله تقيل..

لو فيه أي خدمة بيساعد العميل..

معروف عنه الشهامة.. طيب مالوش مثيل..

بيفطر بابتسامة على تمر النخيل..

و يتسحر و يدعي ربه الهادي الجليل..

إنه يديم النعمة و الرزق يكون جميل..

ف رمضان تيجي بشرى بركة شهر فضيل..

حبايبه يعود إليهم مهما طال الرحيل..

....

و رمضاااااان كريييييم