( مسحراتي رمضان)
الحلقة الثانية و العشرون...
الله يسترها معانا.. هو عارف اللي جوانا..
عايزين نعالج مريض مسكينا و عيانا..
على الله نشوف الاعراض.. باسمه تزول الامراض..
و تدوب كل الأحقاد..
و ترجع النفسية .. حلوة و ميه ميه..
لما الألم يخف.. عرق الوجع يجف.. جوه القلب يشف.. الهم فوق الرف..
و آدي السماعة.. و البالطو ..و آدي الساعة.. و النضارة يا جماعة..
من غيرهم أنا انسان..عادي و بمرض كمان.. باب النجار مخلع أما أبقى أنا تعبان..و اسأل بقى مجرب إذا كان هو الطبيب..
من البلاء مقرب.. كله قسمة و نصيب..
بعمل اللي عليه.. بدراستي ف الكلية..
و بوصف الدواء.. الكل هنا سواء..
المهم الشفاء.. من عند ربنا..
هو رب السماء.. وشافي كربنا..
وعي المريض ده فاء .. و التاني وشه راق..
أبدا ماهوش ذكاء.. ما احناش هنا ف سباق..
ده لطف ربنا
....
و رمضاااااان كريييييم
ليست هناك تعليقات:
إرسال تعليق