(كفايه وانساني)
كفايه وانساني وروح لحالك متعذبنيش
وسيبني لحالي يمكن أقدر اعيش
إبعد عني خليني انسي اللي جرالي
يمكن أقدر انام وترحمني الليالي
وانتي ياعيني إرتاحي من النهارده دموع مفيش
وان كان علي جروحي إهدي وماتخافيش
بكره الأيام تنسينا ظلمه
وتداوي روحي
والألم اللي شفناه منه
يمكن نرتاح من السهد والنوح غصب عنه
وانت ياللي كنت حبيبي وقلبي كان شاريك
ح اقولهالك من قلبي اللي حبك وانخدع فيك
روح الله يسامحك بكره الزمن يوريك
وياللي جودك في حياتي كان سبب همومي
وخليت دموعي ماتفارق ليله واحده عيوني
ياريت تنساني زي ما حنساك وانسي حبي ليك
وكفايه سنين وانا صابره ومتحمله واداري عليك
الله يسامحك ع اللي عملته فيا
كسرت قلبي وخليته حزين وطالت لياليا
وعيشتني في آهات وانين وماحنيت يوم عليا
وجعي منك كان كل ليله مابينتهيش
ابعد عني وروح لحالك خليني في حالي يمكن أقدر اعيش
يمكن يعوضني الزمان عن الفرح اللي معاك مافرحتوش
يمكن يفرحني الزمان بالعمر اللي باقي ولسه ماعشتوش
يمكن يبعتلي اللي يحققلي الحلم اللي ياما حلمت بيه
وبقالي زمان عايشه علي أمل الآقيه
واللي كنت فاكره هلقاه معاك ومالقيتوش
من اول ايامي معاك صحيت علي وهم وافتكرته حلم مكملتوش
ياللي عيشتني في أوهام كتيره والإسم حبيب
وكنت اقول لقلبي اصبر ياقلبي ده قدر ونصيب
وكنت تزيد في حيرتي ويطول عذابي
وتقسي عليا وما بترحم حالي
وياما كنت أحس انك بتفرح لما تشوف دموعي في عينيا
وكنت تسمع نوحي ومايهون عليك تطبطب عليا
كُتر همومي وياك زودت جوايا جروحي
كفايه ظلم وقسيه وابعد عني وارحم روحي
روح لحالك ياأناني خليني ارتاح
يمكن بُعدي عنك يبدل جروحي بأفراح
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق