من موال " فى حب النبي "
الله عليك الله *** بقلم السيد ابو طاحون
*********
الله عليك الله
يا إبن عبد الله
رافع لواء الله
و معاك كتاب الله
بالحب والمساواة
وصلتنا لله
واللي شرد أو تاه ..
تمد له قلبك
يرجع فى نور الله
______
قلعت شجر البور
وزرعت شجر النور
ظهر الصبايا الحور
كاس الجمال محلاه
_______
الله عليك الله
يا إبن عبد الله
....
هرب الهوي والزور
والمفتري المغرور
بات الفقير مستور
وشربنا م المساواة
______
الله عليك الله
يا إبن عبد الله
....
ولى الحسد أو تاه
والغل ولي معاه
والكدب قال ويلاه
نادي القمر ليلاه
______
الله عليك الله
يا إبن عبد الله
....................
اللهم صل و سلم و بارك على سيدنا محمد وعلى إله وصحبه عدد ما كان وعدد ما سيكون وعدد الحركات والسكون
ليست هناك تعليقات:
إرسال تعليق