(كفايه قسوه وقسيه)
هو يعني عشان بحبك تظلمني وتقسي عليا
وأشتاق اليك واحنلك تهملني وتعذب فيا
ياما قدمتلك حبي وحناني
وانت تظلمني وتبقي معايا أناني
ليه وانت أول حب في حياتي وفرحت بيه لما جاني
تصدمني فيك وتسرق مني كل أحلآمي
لما حبيتك وفيت وبقيت كل شيء ليا
وشوفت بعينيك كل الحنيه ياقاسي في عينيا
وكان أملي اشوف في عينيك حنيتك عليا
ياما حذرتك من افعالك وماصدقتني
وياما عاتبتك بدموع عنيا وكدبتني
وياما جيتك واترجيتك ماتقسي عليا أهملتني
وآجي علي نفسي وانسي اللي فات
وأقولك إوعدني بالحنيه تزود المسافات
يوم والتاني وترجع تاني قاسي واناني وتسيبني لوحدتي
اسهر انا وذكرياتي واحلامي أبكي وعلي خدودي دمعتي
واعاتبك ياقاسي ليه ناسي ايام وليالي حبي وحنيتي
والقاك تجافيني وانت حبيبي وتزود لوعتي
ويهون عليك تهملني وتسرق مني فرحتي
وكان أملي تتغير وكنت اسامحك ودي كانت غلطتي
وتوحشني وقلبي يرجع يحن اليك تاني
القاك تهجرني وتجافيني وتسرق كل الأماني
وتجرح قلبي اللي ياما سامحك وكان فاكرك شاريني
وكنت اشتاقلك واقرب منك وانت ماكنت تراعيني
هو يعني عشان بحبك وشاريه ودك
تقطع وصالك وتظلمني في بعدك وقربك
مش كفايه ياقاسي اللي اتحملته وشربته منك
تبعد وتهجر وأقول يمكن غصب عنك
واقول ياقلبي تعالا نسامحه ونقرب منه واجيلك لحد عندك
والقاك زي مانت قاسي وقلبك حجر وتزيد في ظلمك
وعشان شرياك كنت بحنيه وشوق الومك واعاتبك
وعمري مافكرت في خيانتك ولا ظلمتك
كنت لما اغير عليك واعاتبك تعذبني وتعند
وياما حذرتك مش هقدر اتحمل قساوتك تاني متخلنيش عنك ابعد
واللي اتحملته منك كان غصب عني وانت بيا مش داري
ويصعب عليا حالي ومش عايزه أشمت فيا عزالي
ومن كتر خوفي علي اللي باقي من عمري وأيامي
ودموعي علي خدي بتشكي منك ومن اللي جرالي
تعالا ياقلبي ننساه ونبعد عنه وكفايه قسوه وقسيه
دي كُتر القسوه والخصام ياقلبي سرقوا مننا كل الحب والحنيه
خواطر ( اشرف الدغيدي )
حقوق النشر محفوظه
ليست هناك تعليقات:
إرسال تعليق