فاكرني اسامحك
............
فاكرني إنى اقدر اسامحك
ياما سيبتنى اعاني جرحك
حتى لو جيت تترجانى
ابدا مش هقدر اسامحك
خد حنينى وأنينى وارحل
همى وشقايا عنى احمل
لتجيب سيرتى بأي محفل
تبقى بتحلم انسى واسامحك
حبك كان ساكن وجدانى
أحلامى وخيالى فكل كيانى
لكنك غدرت وخنت حبى
وضيعت بقساك كل الأمانى
تركت لى زكرى أليمة
عانيت منها سنين طويلة
ملقتش فكرة ولا حيلة
غلبت مع روحى تسامحك
مش قادر أبدا انسى لك
ولا القلب يوم يصفالك
مهما قدمت من أعذار
جرحك نار وكل أفعالك
ازاى انسى كل ده واصالحك
هجر وغدر بقولك واسارحك
مستحيل قلبى يميل لبحرك
لو جفت بحار الغرام الا بحرك
حرام على قلبى يطارحك
ويحن فى يوم ويسامحك
.....
بقلم. الشاعر
الأمير _ محمود
ليست هناك تعليقات:
إرسال تعليق