( كتاب مفتوح )
نجحت في كبت إلهامي...
وإحساسي بيتبخر...
ورحت اترجي في غرامي...
واخلي شوقي يتأخر...
وأهدي ف قلبي وجوارحي...
واداري م الوجع جرحي...
وميت سكينه تدبحني...
وأقول عادي...
مسير الموت يريحني...
ألاقي الضربه بتجيلي...
في قلبي من أعز الناس...
وتيجي دموعه تشكيلي...
أحن وأقول سامحت خلاص...
ما أنا ع الصفح متعود...
عشان قلبي كده بيرتاح...
ولو في جراحه هيزود..
تاني هحن وأقول سماح...
ما أنا ما أقدرش علي وجعه ...
وأموت ميت مره من ألمه...
وأعيش إزاي أنا في تعبه...
قولولي تبقي عيشه إزاي...
وقلبي م الوجع شكاي...
بإخلاصي بقول وبقر...
ولو كان حتي بالتفصيل...
حياتنا للبشر مش سر...
واخبارنا حاصل تحصيل...
حياتنا واضحه للخاصه وللعامه...
معرفوش... حتي لو عرفوا ماهش هامه...
ولو عرفوا دي مش أزمه...
زعلنا أكيد مالوش لازمه...
حياتنا لو كتاب مفتوح...
بلاش نعمل لحد حساب...
وإيه ممنوع وإيه مسموح...
دي مش طبعة كلام في كتاب...
حقوق الطبع في عقولنا...
وفي قلوبنا دي محفوظه...
وماهما حكينا أو قولنا...
أكيد أرواحنا محظوظه...
عشان بتعيش بحريه...
ومن غير حظر..
مفيش لا رقابه دوريه...
ولا تخضع لمنع النشر...
بقلمي
عصام السعدني...
ليست هناك تعليقات:
إرسال تعليق