دموع الشدوف ..شعر سعيد حمدى

تمت مشاركة ‏منشور‏ من قبل ‏سعيد حمدى‏.

الآن

سعيد حمدى

دموع الشدوف ..شعر سعيد حمدى
يا شدوفى ..طول عمرى الفك بكفوفى
على يدك ورسمت حروفى
ورويت الا رض بعرق الشقا
وبدرت الخير والنور والتقا
وايمانى ..بيضيع خوفى
★★★★★
والغيط يصبح ويبات
حدوته على جد نبات
يندهلى من جوه سكات
راح تجنى سمار الحكايات
★★★★★
عشنا نحلم بالمحاصيل
وغنانا احلى المواويل
جنحاتك على الميه تطبل
حملتك بتقول لى يا ليل
★★★★★
انا وانته سلاطين وممالك
بس نسد ايجار المالك
ترسه الداير على الفلاح
هد عزيمته وبقا متهالك
★★★★★
دلوقتى جاى الخوف وبشمعه
لا الزرع يخيب يوم جمعه
ومنين انا وانته يا صاحبى نجيب
للمالك احقاده وطمعه
★★★★★
نترحم على زمن اهو فات
كان نورج واربع بقرات
دلوقتى انسخطوا لمعزات
ويا ريتهم بس هيستنوا
★★★★★
طحنوا الفلاح طحنوه اكمنه
لا نقيب ولا غيره يحوش عنه
بس لو كنتوا هتستنوا
له ربه ما بيغفل عنه
★★★★★
شعر "سعيد حمدى "