نسيتك ياربى..بضعة ثوانى...
وبان المخبى ف نزوه شيطانى
عبوا الجرايد...
عبوا الأغانى
رصوا القصايد..بصدق وتفانى
نسيتك وجيتك..
تغفر لى ذنوبى
بحق حبيبك..
محمد ..حبيبى
تطهر لى قلبى..بكل المعانى
تايب وتوبتى..
نصوحه يا ناس
راجع لربى...
فى ايده.. الخلاص
عنده السماحه..ومنه السماح
يخفف مابيه ..يشفى الجراح
ذكره مداوى..يعطر لسانى..
بتفرح بعبدك..
عاصى رجع لك
تباهى الملايكه..ترخى جمايلك
تفرد ايديك..لعاصى النهار..
لما يجيك .. يلاقى القرار..
بعفو ومحبه..ونيل الأمانى
وعاصى الليالى..
زيه تمام....
تجاوب سؤاله ..بكل المرام
أحن من أمى..عليا ياربى
هيه بتدعى..وانت تلبى..
ترفع خطايا..وهمى وكربى
تستر عرايا..كستر المخبى.
جيتك وبابك..بلهفه حضننى
جيتك لأنى...
نسيتك ثوانى
وانت فاكرنى..عمرى وزمانى!،
***********
19 ابريل 2005
ابراهيم القاضى
ليست هناك تعليقات:
إرسال تعليق