ذكرياتك .. كلمات الشاعر مجدي فرحات

راجع تاني ذكرياتك
وافتكر اللي صانك
يوم ورا يوم مافاتك
اوعى يغرك زمانك
وتنسا مرك وآهاتك
دمعك في كل اوقاتك
وجراح طافت بايامك
جاي تكلمني عن حنانك
آنت لسه عايش أحلامك
وهما فين دول حسادك
متروح قلب في كتابك
وراجع تاني ذكرياتك
روح وإقرا في كتابك
مين السبب ف جراحك
ومين في يوم باعك
واللي عاش ع حسابك
اوعى تنسا خد بالك
عندي دفتر ذكرياتك
آه فيه كل حكاياتك
خليت الغرور لك مالك
والغدر بقا هو سلاحك
ليه بعت ناسك واحبابك
وقلوب ابوابها فتحالك
دلوقتي بتشكي احوالك
بدموع كدابه آه يانارك
جالك يوم.تدوق كاسك
اللي سقيتو يوم لناسك
راجع تاني ذكرياتك
خلاص الوقت فاتك
والزمن مبقاش زمانك
اتملى دفتر ذكرياتك
ومعدش تلزمنا حكاياتك
كلمات
الشاعر مجدي فرحات

أعجبني

تعليق

مشاركة