الغربة
الغربة تاعبة الخلق........ وهما تعبانين
مرها بقى في الحلق.. وليلهم مش نايمين
فرضاها عليه الايام
بعتتها في الاحلام
نفسه ياعيني ينام..... والغربة حالفه يمين
غربة وتاعبه القلوب... كاس والكل شاربه
عايشينها بالمقلوب... شقيان والكل ناهبه
في الغربه تعبانين... وجوة شقيانين... يارب العالمين.... هون عليه مصايبه
مين قال ان الغربة عز... مين دا اللى نظره ضعيف
مافيهاش حاجة تلذ.. لاشتا ولا حتى في صيف
ايام الغربة خريف... بطلوا بقى تخاريف
دا كفايه تبقى ضيف... عايش دايما في خوف
ياغربة ملهاش نهايه.. طولت قوي الحكاية
مش باقي غير دمعاية.... خبيتها منك جوايا
اسيتي كتير عليا.... جفت دموع عينيا
ياغربة مافيكي حنية.... نسيت معاكي هنايا
********
بقلمي /رمضان عبد الله أحمد
