بإسم الحب (830)
...............
وهان قلبي بإسم الحب
ولسه بحن لعذابه
وطعم خصامه هجر ومر
وأبات وأنا شوقي على بابه
دموع عيني بتشكي الليل
لا حس بجرحي ولا عاشه
وساجن روحي غصب سنيين
بأسوار كذبه وخداعه
وفاتني الصبر ما نصفني
ما شافني أنا عاشقه أوهامه
غرام حيره ودمعه لوم
وثوب إحساسه لون ورا لون
ظلمني بصمت مين ديا
وسهم حنانه مش مضمون
ولاغي وجودي في روايه
بنادي وصوتي ليه مكتوم
بدايه الحزن له نهاية
وهرجع تاني وأحيا وأقوم
ومهما وقعت دي بدايه
ولا فارق لي يكون وأكون
بقلم .. صبري رسلان
ليست هناك تعليقات:
إرسال تعليق