مكتوب عليا
ـــــــــــــــــــــــــ
الحزن مكتوب عليا
غصب عن مش بإيدي
والدموع ماليه عنيه
حتي يوم فرحي وعيدي
حسو بيا ياناس شويه
ليه ظلمتو قلبي وعنيه
وانا اللي حبي
جوه قلبي
ليكو انتو
بيسري ف وربدي
مكتوب عليا
احزن وابكي
حتي في يوم عيدي
وآه آه
انا ايه بإيدي
طول عمري شمعه بتنحرق
لاجل ماتشوفو الطريق
وطوق نجاه في بحركم
وانا فيه غريق
بحبكم وودكم
وف فرحكم أرقص واغني
وف حزنكم أبكي لكم
واشيل همكم أكتر مني
ياأهلي وناسي وصحابي
ياحته مني
فين نصيبي من فرحكم
فين مكاني في قربكم
وامتي هادخل قلبكم
ولا هيفضل هجركم
دايما قهرني
وآه آه
ياللي انتو مني
مش بإيدي
ـــــــــــــــــــــــ
شعر /السيد حماد
ليست هناك تعليقات:
إرسال تعليق