وانتى جانبى الدنيا بتحلو وتكبر
وانتى جانبى عمرى م هَعَجِز ولااكبر
أيامى كانت لونها أخضـــــــــــــــــــــــــــــــــر
م الهنـــــــــــــــــــا اللى انا شوفتو فيهــــــــــا
كنت اشوفك وانتى ماسكه إيدى
بتبوسيها
كت ترد روحى فييا م هو انتى
فيها
كنت اشوفك من بعيد وانتى
ماسكه هدومى
تطبقيها
بتحضنيها
واسألك آل إيه
ريحتى فيها
يا جمالك لما تصحى الصبح بدرى
وتقوليلى قوم ياحاج اليوم بيجرى
أقوم و اسنِّنــــــــــــد عليكى
وآجى ابوسك بين عنيكى
الفرحه كت باينه عليكى
تبقى مش عارفه تدريها
ليه يقولوا احنا كبرنا
إحنا أسعد ناس ف جيلنا
ننده ع الأشواق تيجيلنا
أو نروح أنا وانتى ليها
العمــــــــــر مَرّْ كتير وفات
فاكرينا يعنى الحب مات
لأ ممتش د بس بيكبر من سكات
حب خالد حب هيعيش للممات
فى دنيا بس انا وانتى فيها
#عاطف صلاح#
ليست هناك تعليقات:
إرسال تعليق