قصيدة #مصر_مبتنمش_فى_ليل_بارليف,,, شعر #إيزيس_غانم

كان الليل ...
على خد المحروسه..
طرحه تلالى فوانيس وعيون..!
فوانيس...ف شموعها الرجاله...
نن عينيها ...
كحل نفرتيتى
وكليوباترا وحتشبثوت...
كحل الفلاحة المصريه...
الباصص من أحلى جفون...
كان الليل ...مزيكة عشق..
ترنيمة حب....
كان الليل طيب وحنون...
لكن ليل الأعداء ..
كان ليل إسود..
أجرب...مجنون...!!
شايل ف مراوح طيرانه ..
قلب يهودى وقائد أعور..
ونن الأنثى المتكحل بالنار والجير ...!!
أنثى يهوذا اليهوديه ...الجولدامائير !!!!
اليوم كان خمسه من يونيه
ولحاف الفجر
فارش على جيشه وعلى شعبه
ضل أمان
النايم نايم..
والصاحى مستنى الفجر ..
مستنى آدان..
بس آدان..
ليفى أشكول وموشيه ديّان..
إدّن قبل الفجر ميدّن..
دمر طيرانه المطارات...
حول ضحك المصريين لدموع وآهات...
واتنحى القائد..عبد الناصر ..
وقال للشعب
أنا هبعد عن أى سياسه..
وهعيش بينكم واحد م الشعب..!!
وإندق الكعب..إندق الكعب...
وقام الشعب بقوه وقاله..
أنت تكمل..
إنت اللى هتفضل ف القارب
وإحنا معاك..
بقلوبنا يا ناصر هنحارب
إياك تمشى زعيمنا يا ناصر
وتسيب الموج يملا القارب
هنحارب ...هنحارب ...هنحارب ..
====================
من قصيدة #مصر_مبتنمش_فى_ليل_بارليف
من ديوانى الجديد
#إيزيس_غانم