((**لسه فاكر **))
** ** **
لما دق الحب بابك
كنت أنا واقفه يابيه
يومها قولتلي تعالي
ياحلم بدور عليه
إنتي اللى ساكنه خيالي
وياما حلمت بيه
تعالي نوري الليالي
ونجمك فى سمايا يلالي
دا عمري ليكي بهديه
فاكر ساعتها قولتلي إيه
قولت حياتي قبلك ماتتوصفش
ومش هخبي عنك واداري ولا أنكرش
إن الدنيا من غيرك حبيبتي ماتنعش
ودخلت أنا حياتك وغيرتها
والمايل إتعدل وأمورك ظبطتها
وعشنا فى سعاده وهنا وقتها
وجميع أمور حياتنا نظمتها
دلوقتي بعد ماكبرت وعدت بينا السنين
والشقى بان عليا والمرض بيهد فيا
راح فين الشوق والحنين
فين وقفتي جمبك ومعزتي عندك
كله كدا إتنسى فى ثانيتين
ياألف خساره على عمري الحزين
اللى فانيته معاك وماأخدت غير دمع العين
وكانت نهاية خدمتي الأسى والأنين
طلعت إيديا فاضيه بعد طول السنين
ورفيق العمر باعني وشكوتي لمين
مافيش غيره هو رب العالمين
............................................فاطمه عبد الشافي
