//ياسمرة البحر//
يا لادئية.. يا عشقي الأول والغالي
يا ريحة الملح.. ويا غيم السما العالي
بحرِك حضن دافي.. وجبلك سند للروح
إنتي اللي بقلبي.. وين ما كنت بروح
يا سمرة البحر.. يا كحلة العينين
متلِك بهالدني.. قوليلي ألاقي فين؟
مشيت الكورنيش.. ترد الروح فينا
والقعدة عالصخر.. بتنسّي مآسينا
يا أحلى بلد لادئيتي والحكي فيكي يطول
إنتي اللي علمتي الدني.. شو يعني "الأصول"
بشوارعك العتيقة.. حكايا من زمان
بحي "القلعة" و"الصليبة".. الألفة والأمان
رشة زهر ليمون.. فاحت بهالحارات
وصبايا أهل البحر.. هي أحلى البنات
لو غبت عن عينك.. قلبي بضل عندك
ما في دني بالكون.. بتسوى رمل خدك
لادئيتي ياأحلى البنات ياأحلى البنات
عبدالقادر مدنية
ليست هناك تعليقات:
إرسال تعليق