فاكرك من كلماتى. أنا الشاعر عـــــــــــــــــــــادل داود.
فاكرك مش ناسيك وقلبى مشتريك بطل قسوتك..... ديه
وواهب عمرى ليك.. وقلبى بيناديك عايز منك....... حنيه
ياواخد قلبى منى بعرفك إنى بعشقك بقلبى...... وبعينيه
بشوقك اسقينى وخد منى حنينى. وقلبى وروحى هديه
فاكرك..
مش قادر أبوح وانا جوايا صروح وكلمه نفسى أقولهالك
خايف يوم تروح أو تعدى الدقايق وماكنشى على بالك
حبى ليك وهيامى فيك. وفرحى بيك اكبر من... خيالك
روحى ليك مشتاقه ومشاعرى منك محتاجه..... وصالك
فاكرك.
ياغالى ياأبو المقام عالى ياساكن الروح.بيك أنا اكتفيت
ولفيت الدنيا مالقيت حد احبه لكن بيك انا...... حسيت
جيت مليت أيامى وأحلامى وكنت ليا السكن والبيت
ياملك يانجم داير ف الفلك لقصور هوايا معاك... بنيت
فاكرك..
ماكنت ناكرك أو ناسيك د أنت سارى ف دمى وشريانى
يابحرى وشطوطى ورسمى وخطوطى ياكل..... أركانى
ياأنفاسى وكل إحساسى بلاش تكون قاسى.. وتنسانى
ياروح الروح والسكوت والبوح انت ومفيش حد تانى
كلماتى
الشــــــــــــــــــــــــــــــــــــــــــــــاعر عادل داود...
ليست هناك تعليقات:
إرسال تعليق