ا كلمات/, صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربية الشقيقة
اللى انكسر يتصلح
مثل أنا لا اعترف به ولا اعمل به اللى انكسر لا يمكن يتصلح
واذا اتصلح هينكسر تانى وتانى وتانى
قد تكون فى استثناءات ولكن قليلة جدا. وان وجدت
اللى انكسر عمره ما يتصلح
اللى انكسر يتصلح
مثل ما تصدقهوش
فى حاجات لو انكسرت
تانى ما يرجعوش
فى صاحب لو كان خاين
تانى ما تماشيهوش
واللى يكذب عليك مره
تانى ما تصدقهوش
والراجل صاحب المصالح
انساه ماتفتكرهوش
واللى يقلك بحبك ويكذب
ابعد عنه وما تحبهوش
اللى انكسر لو اتصلح
ببلاش ما تشتريهوش
لانه بقى معيوب
على نفسك ما تضمنهوش
واللى خان واللى نافق
لو ملكته ما ترحمهوش
والحاسد والحاقد
بيتك ما تدخلهوش
واللى ليك ومن دمك
لو قاطعك ما تقاطعهوش
واللى حبك وكان صادق
افرشله الارض بالرموش
اللى انكسر ما يتصلحش
وان اتصلح ما تضمنهوش
ليست هناك تعليقات:
إرسال تعليق