( سيبني أحبك )
أول ماعيني شافت عينيك يآحبيبي حسيت بيك
وحِلِفِتّْ ماتشوف غيرك
ولا نورها يكون الا ليك
سيبني احبك زي ماطول عمري بحلم بحبك
وخلي دقات قلبي تتغني بحروف إسمك
خليني انسى روحي وانسي نفسي وانا بين ايديك
ماانت عمري ياعمري وطول عمري شاريك
انت الحبيب اللي لما عرفت معني الحب إتمنيته وحلمت بيه
وانت النور لعيني ويكفيني نظره من عينيك
حبيبي انت نصيبي اللي طول عمري بفكر فيه
وبعد ماحبيتك وهويتك لقيت قلبي وروحي عايشين ليك
وفِضِلتّْ عيني سهرانه فرحانه بيك
وقلبي علي طول سعيد وبينادي عليك
حبيبي وروحي حبك خلاني أعيش أيامي كل يوم فيها عيد
وأول مره أحس بالحب إحساس جميل وجديد
احساس لو عرفوه اهل الهوي قلوبهم تغيير وتحتار فيه
وكفايه عليا ياحبيبي تفضل جنبي ليل ونهار ابص في عينيك
گان فين حبك وهواك يآحبيبي من زمان
كان قلبي ماداق طعم العذاب ولا حس يوم بحرمان
خواطر.( أشرف الدغيدي )
حقوق الملكية محفوظه
ليست هناك تعليقات:
إرسال تعليق