( الشوق فاض بيا )
ياليالي الهجر كفايه وارحميني
زاد ويلي ومراري وعذابي وانيني
من يوم ماشوفته وانا مش داري
لا بليلي ولا بنهاري
وتايهه علي طول افكاري
ونارالشوق يآحبيبي كوياني
والفرحه من يومها مفرقاني
والحنين بيعاتب فيا ليه الفرحه نسياني
وليالي الغرام حزينه كل ليله بتواسيني
وانت ناسيني ياقاسي
لا عايز تريحني ولا عايز ترسيني
الشوق فاض بيا
والحنين بيعذب فيا
والنوم خاصم جفون عينيا
وِطيفك اتّْحَرَّمّْ عليا
بعد ماكان شاغل خيالي ومنامي
ومش شايف غيرك حبيب قدامي
ياحبيبي واحشني ونفسي اشوفك إرحم حالي
بادعي ربي علي طول
تكون حاسس بيا ومشغول
ولو كنت نصيبي تجيني أوام
ولوكان مكتوب عليا الحرمان
يحرم عليا أفكر تاني في الغرام
وياخوفي من بُعدي عنك والشوق يجنني أنا
وياتري لمين مستني النصيب والهنا
وإمته العيون المحرومه تنام
ويرتاح القلب المشغول وحيران
يآحبيبي عيوني في كل العيون بتدور عليك
ودقات قلبي ليل ونهار بتناديك
ياترحم حالي ياتفارق خيالي
وتنسيني حبك واللي جرالي
بقالي سنين وسنين بفكر فيك
من يوم ماشوفتك وعيني شافت عينيك
لاعارف حبيبي يبقي مين
ولا عارف اراضيه فين
سألت عنك نجوم الليل
وبعت مراسيلي مع الطير
يوصفلك العذاب والويل
يانجوم الليل ياحزينه
وياقلوب حيرانه ومسكينه
مهما كانت بلاد حبيبي بعيده
دليني فين هيا أراضيه
امشيها خطاوي ومشاوير علي رجليا
ووعد عليا يا ارجع بيه يايحرم الحب تاني عليا
دي الأيام بتعدي سنين في بعده
والشوق والحنين مديني الأمل في قربه
ونصيبي بيحلفلي انه ليا ومستنيني
وزي ماقلبي شاريه هو كمان شاريني
وياعيني نوحي في بعده علي أد ماتنوحي
بكره ترتاحي لما اقابله ويداويلي كل جروحي
وياليالي الشوق هدي
وارحمي قلبي وروحي
خواطر (اشرف الدغيدي)
ليست هناك تعليقات:
إرسال تعليق