.....بدون عقارب .....للشاعر .. .....محمد إبراهيم درويش....

 

.....بدون عقارب .....

ساعه فاضيه بدون عقارب

زي شط ما شافش قارب

هيا تبقا الدنيا دنيا

لو نعيشها بدون حبايب

.....

ساعه فاضيه وفيها وحده

والسكوت على صرخه واحده

والأفكار رايحه و جايه

والزمن في النفس حارب

.....

ساعه غاليه بمينا فضه

و الزمن جواها صدى

والشروط منقوشه خضه

والفراق من روحنا شارب

.....

ساعه فيها شروط ومينا

توصف الدقه الحزينه

كل ثانيه تعدي فينا

توصف الحزن اللي دايب

.....

وأما ساعة الحظ عدت

جت لحد عندي جلت

شالت فرحي وفيه ماخلت

فيه ماكنش ليا نايب

.....محمد إبراهيم درويش....

السحور بركة... ********** بقلم / السيد عطاالله

 

السحور بركة...

**********

بقلم / السيد عطاالله

ما دام نويت تصوم

للسحور حاول تقوم

لو هتشرب بق ميه

عباده اعملها كل يوم

مهما تكون تعبان

سلعة ربك جنان

اتعب يا عم شويه

حسنه في الميزان

رسولنا لينا قال

كلام عال العال

الأعمال بالنيه

ف الخير جمال

البركه في السحور

مهما تلف أو تدور

لرسول الله التحيه

ما تلاقي زيه نور

كل عام وانتم بخير

رمضان شهر الخير

حدد لنفسك هويه

لا كسل و لا تقصير

كلمات السيد عطاالله.

فوازير رمضان .. الخال عصمت البيلى

 

وبعد التراويح والدعوات الكتير

نقرا بقه للخااال ونحل الفوازير

شخصيات حبتهم الأيام

(بعلامات إستفهام)

-------( ١١ )

فنان كان بالسينما بروفسير

وف فنه أخد جوايز كتير

وعلى عرش السينما أمير

خلى داليدا تغنى بالعربي

والباب الحديد خلاه أدبي

وأي بطل معاه بقى خبير

بعده ضاع الفن والتعبير

------

( الكلام على مين )

وكل عام وانتم بخير

الخال عصمت البيلي

( مسحراتي رمضان) الحلقة الثانية عشر.....الشاعر ..هانى الفحل

 

( مسحراتي رمضان)

الحلقة الثانية عشر.....

سهران سهران و البال رايق

اسمع مني بعض حقايق

ف الصيام دايما أسلي نفسي

لا يمكن اكون ساعة متضايق

أنا البرنس أنا العايق

اصلح حنفيه .. اركب جلده

.. الحم جلبة..

صيانة مواسير.. تشغيل مواتير..

و آدي الفواتير..

اصحى كدا و خليك فايق

أي عمارة لازم لها تشطيب

شغل دقيق و لا شغل طبيب

عمل اللازم فن و تركيب

محتاج هدوء و تخطيط

ان كان خلاط أو بانيو

أو أي شيء بسيط..

نشوف الصرف ماشي إزاي

إذا فيه تسريب رايح جاي

حنفيات شكلها جميل و جديد

غسالات حلوة و سخانات حديد

مواسير الحب ف كل مكان

أحواض الصبر على السخان

بلاعة الحزن مسدودة

و العمر أيام معدودة

ترميم خلاط.. سراميك و بلاط

قلبنا مطاط .. يساع الكل .. مافيهوش غل..

ما احلاها بضاعة .. تسليك بلاعة

ف ربع ساعة .. من غير سماعة

أشخص و ادي حل..

يا ناس دي اشاعة و الله شغال

و بخش بيوت ألوان و اشكال

من غيري أنا تقع العمارات

و تسيل الميه على الطرقات

لازم سباك وقت الأزمات

عشان الناس تعيش ف أمان

حاسة بارتياح .. وباطمءنان

صفو الأرواح .. أحنا ف رمضان

......

و رمضاااااان كريييييم

( موطني ) البحر الكامل .... كَلِمَات رَشَاد قدومِي

 

( موطني )

البحر الكامل

يَا موطنا لَا زِلْت أنشد قربه

قَدْ بَاتَ قَلْبِي مِنْ هَوَاك عليلا

يَا مَنْ نَظَمْت الشَّعْرِ فِي أَوْصَافِهِ

وسكبت حرفي بالوداد دليلا

فِي وَصْفِك الآهات تَحمل حبنا

بئس الحياة إذا ارتضيت بديلاً

يَا مَوْطِنًا مَا غَابَ عَنِّي طيفه

والقلب بات بذكركم مشغولا

مَا زَالَ قَلْبِي فِي هَوَاك مُتَيَّما

بِئْس الْحَيَاةِ إذَا قَبِلْتُ حُلُولا

قُلْ لِي بِرَبِّك كَيْف نرضَى غيركم ؟

هَلْ كُنْت تَرْضَى أَنْ أعِيش ذَلِيلا ؟

مَا طَابَ لَيْلِي والدموع بمقلتي

يَا مَوْطِنًا ملك القلوب فتيلا

لَوْلَا غَرَامِك مَا نَظَمْت قصائدي

عَبْرَ الْبُحُور وما رايت جميلا

قمراُ رسمتك فِي حَيَاتِي إنَّنِي

قَدْ عِشْت عُمْرِي شَاعِرا مَجْهُولا

قَدْ بت أشكو من فراقك موطني

والدمع تذرفه العيون سيولا

وَأَقَمْت بِالْبَيْتِ الْعَتِيقِ مناجيا

رَبِّي .. أرتلُ آيه ترتيلا

كَلِمَات رَشَاد قدومِي

 

★★مسحراني البوم السابع ★★

بقلم /حمادة علي ابو الريش.........

طبلي يا طبلة

وسمعي السامع

اليوم اللي عدى

معدش تاني راجع

وادينا وصلنا

لليوم السابع

وانا كل يوم

فى التلاتبن يوم

أمشىي وليكم

تاني راجع

وأقول يانايم

اصحى يا نايم اصحححححى

ووحد الدائم

رمضان كريم اصحى

دا تلاتين يوم

ما تقضهاش نوم

دا الفجر طالع

وابداعمر الظلام ما يدوم

ويا بختك يا مظلوم

لا زم يجيلك يوم

يكشف عنك كل الهموم

وانت يا ظالم

لازم تعرف أن فيه رب كريم

لدعوة المظلوم سامع

اصحى يا جهلان

اصحى يا غفلان

احنا فى شهر رمضان

وبقينا فى اليوم السابع

اصحححححى يا نايم اصحححححى

ووحد رب باقي دائم

رمضاااااان كريييييييييم

اسمع وبلاش تجاكر

أقول كلام مثل الجواهر

كلام موزون لكل تاجر

لسلع خافيها وعليه حاكر

ويغلىي فى الأسعار

وناسي أن فيه حساب بالآخر

وفيه حنة. وفيه ونار

وفيه رب كبير على كل شىء بحاسب

ويوم للكل جامع

اصحى وفوق إحنا فى اليوم السابع

والتوبة مفتوحة لباب السماء السابع

احنا فى شهر الغفران

انوي وقول بس لربنا أتوب و راجع

وانا كل يوم فى نفس

التوقيت كل يوم ليكم راجع

مسحراتي أنا أقووووووو ل

يا بختك يا اللى تتعطم جعان

احسن من اللى بناء الف جامع

اصحى يا نايم اصحححححى

ووحد رب كريم بصير وسامع

رمضاااااان كريييييييييم

بفضل شهر رمضان الكريم

بحق أسمائك الحسنى

وبحق خلق عيسى بالكلمة

ونور عرشك العظيم

ورحمتك وفضلك الكريم

أن تحفظنا من كل شر

وأن ترفع الغلاء عنا يا كريم

ولا تحكم فينا كل جاحد ظالم

انت القادر على كل شىيء من الآخر

ولكل محتاج يارب تكون ليه سامع

اصحى يا نايم إحنا فى اليوم السابع

اصحى يا نايم اصحححححى

وصلى على خير البرية محمد

اللي يوم القيامة يكون لينا شافع

اصحى يا نايم اصحححححى

ووحد الرحمن

رمضاااااان كريييييييييم

_________________

جمهوريه مصر العربيه

( مسحراتي رمضان) الحلقة السابعة..... الشاعر .. هانى الفحل

 

( مسحراتي رمضان)

الحلقة السابعة......

جلاش و كنافة و قمر الدين

قراصيا و مشمشية و حبة تين

حلواني السعد .. حلو بجد..

آدي هريسة و بسبوسة

تستاهل بق عروسة ..

بلح الشام و زلابيا ..

تمر هندي و سوبيا ..

و قطايف سادة و م المحشي

من غيرها الفرحة ما تنفعشي

يا خسارة الحلو ما يكملشي

من غير إيمان يغسل وشي

يفضل ف القلب ما يطلعشي

و يغير أي سلوك وحشي

العمر يروح و لا يرجعشي

اخشع لله ماتتسربعشي

ف عبادتك أمره اللي بيمشي

أقداره خير فماتزعلشي

بالي يرتاح و انا في نعشي

أنا م الأحباب انا مشبعشي

آدي زبيب و جوز الهند

طعمه حكاية و شكله ترند

كل و ادع لي أشوف السعد

رز بلبن معمول ف الفرن

نفس الطعم من ميت قرن

و آدي شربات للحلوين

على ما المغرب وقته يحين

سلو صيامكم يا صايمين

بذكر رب العالمين

......

و رمضاااااان كريييييم

سلي صيامك ٢٠٢٣ رمضان كريم ( ٦ ... بقلم .. ألخال عصمت البيلي

 

وبعد صلاة العصر

تحلا يوميات الخال من مصر

سلي صيامك ٢٠٢٣

رمضان كريم ( ٦ )تم

---------

لو شايف أكل الفطار كتير

والحلو بسبووسه وفطير

والطبليه محتاجه تفسير

إفتكر جارك الفقير

إللي فطر جبنه وجرجير

يدعيلك تنام ليلك

والأرزاااق تجيلك

ويووووم القيامه

الحمام حواليك يطير

------

كل عام وانتم بخير

رمضان كريم

ألخال عصمت البيلي

الحنين الى الوطن ... بقلم .. ابو الفدا فياض

 

منتدى و مجلة حروف الكلام

ابو الفدا فياض

عبر الحنين الى الوطن افق الخيال

وبريق شوق الى الهضاب غزا المقل

سنعود ياوطني ونكتسح المحال

كطيور ادركها الشتاء على عجل

وطني صباحك زهر لوز وبرتقال

ورياض خضر على امتدادك تبتهل

عزفت مروجك حسن وابتسمت جمال

نهل الربيع من الندى وغفى ثمل

دنت الغيوم وعانقت قمم الجبال

شغف الطبيعه حين يندلع الغزل

وطني ثغور مياه تلمع كالنصال

وكروم اخرجت النهود بلا خجل

وفراش غازله النسيم على التلال

وثمار تين تثائبت هطلت عسل

زمن الاياب ربيع قادم لا محال

وربيع ان بدأ النمو سيكتمل

فوازير رمضان .الخال عصمت البيلى

 

وبعد التراويح والدعوات الكتير

نقرا بقه للخااال ونحل الفوازير

شخصيات حبتهم الأيام

وكانوا علامة إستفهااام

-------( ٦ )

إتحدى الملك

فى الوجاهه والغنا والقبول

الملك بملكه

وهوه بفنه والحانه يقوول

وف الورده البيضا

وصل للقلووب على طول

(ولما حس بخطر الملك)

غناااله قصيدة الجندول

*****

(الكلام على مين)

رمضان كريم

ألخال عصمت البيلي

( مسحراتي رمضان) الحلقة الخامسة......الشاعر .. هانى الفحل

 

( مسحراتي رمضان)

الحلقة الخامسة......

صنفر أحلامك ف شبابك و أنت صغير..

ثبتها ف خيالك بالمسامير..

و احرس أفكارك من شباكك لا تطير..

افتح لمشاعرك الباب ورا الباب

تلقى قصايدك مش محتاجة كتاب..

طول ما بصلح ويا الأخشاب..

و بدق شاكوشي ف المحراب..

و المنبر نقشت عليه آيات..

و بالفارة نعمت الفراغات..

أحافظ بالمبرد ع الصلوات..

أخلع ذنوب الغفلة بكماشة..

و ناسي نفسي على ضي الشاشة..

أو مع موبايلي ف حواديت غشاشة..

أذكر تاريخي بدموع جياشة..

لما مات داوود ف الشجرة بالمنشار..

و إما نوح اتكدب علشان نجار

راح نبني سفينة للمؤمنين..

و يعيشو صالحين صايمين..

و ف رمضان جوانا كنوز

وكله بقى يسعى للفوز

ما تقولش دا طفل و لا عجوز

و تعيش لي ف دور الأراجوز

حفرنا الحقايق على الكافور

و الكل يوم هايجيله الدور

يبقى من أهل القبور

يستنى الجنة و رب غفور

صنفر أحلامك ف شبابك و أنت صغير

ثبتها ف خيالك بالمسامير

......

و رمضاااااان كريييييم —