بغني علي ليلاه 💥 محمد النسر نسر .. مصر

محمد النسر

بغني علي ليلاه 💥
بغني علي ليلاه وبقول ياعيني آه...
ياعين كفايه بكي ويفيد بإيه شكواه...
دمعك سايل علي الخد وحصل الأفواه...
قاصد كريم خير مصر ارحمنا ياالله...
فاكريني بحب واحده بتغزل أنا بغزلاه...
ضحك الأصيل من الهم وقال لا حول الله...
هو إنت يعني بتضحك وكمان تقول الآه...
وإيه يفيد الآه ولمين أقول شكواااااه...
ياعم بلاش تشتكي واتوكل علي مولاه...
إسمع يابني هقول لك كلمتين ورزقي علي الله...
أنا راجل كبير وفقير والشغل ماهو كتير...
عندي عيال مصغير أفواههم كما المناشير...
طالعين نازلين واكلين وأكيد متوكلين...
شاكرين وبنحمد ربنا وعشانا مش تبذير...
وبندعي لا محتاجين قصور ولا حتي حرير...
وفطارنا جبنه وفول ونحلي بالجرجير...
وعندي حتة لحاف وملتين وسرير...
وعندي أكولها حاف وأنام علي الحصير...
ولا إني أروح لعويل دي كرامه مش تقصير...
ضحك الأصيل واتحير ياريتني كنت أمير...
فعلا ياعم الحاج الدنيا فيها كتير...
ومشي ياعيني الحاج ومش لاقي تفسير...
أرجع وأوقول ياليل وأغني علي ليلاه...

خربشات نسراوي
محمد النسر نسر مصر
🇪🇬 🦅

أعجبني

عتاب ...! للشاعر .. عزيز عامر

عزيز عامر

قال جاي بيعاتبني ويقول بينا عتاب
قال جاي بيحاسبني ويقول حساب لاحباب
ويحاسب قلبي ليه ماانا ياما ناديته وسابني
يعاتب قلبي ليه ويعاتبه علي ايه
لاقال انه مسافر ولاقالي راجع تاني
ماسالش يوم عني ولا طل علي أحزاني
وجاي بيناديني ويقول ياحب تاني
لا لا ياحب لاقوله خلاص انساني
انا امري مش باايدك ولاعبدك ولاسيدك
عشان تجرح في قلبي و تقول تاني بريدك
ياحب فات زمانه جاي ليه النهاردة
ياحب زاد احزانه راح فين طبع المودة
اشرب لوحدك شرب هجرك وغدرك اهوكله ليك
اشرب شوفك وودك قلبي نسيك
اشرب من نفس كاسك ما فيش شريك

١

( تواعدني وتخلف )خواطر ( أشرف الدغيدي )

Ashraf Eldghedy

( تواعدني وتخلف )
تواعدني وتخلف وتسيب جرحي يزيد
ويفضل حلم اشوفك جوايا كل يوم. جديد

دانا قلبي بعيد عنك للهوي والحب عطشان
ويشكيلي منك يآقاسي وانت عليه تقلآن
وكل يوم يتألم وانت حبيبي. وناسي هواه
ويبعتلك كل ليله مرآسيله مستني الرد معاه
حبيبى فين ايامك وامته يرحمني انتظارك
اديني ميعاد يفرحني معاك واوعاك تخلف ميعادك
هستناك بكره تيجيني وايدي. تحضن ايدك
ويكبر حبنا وما تخلص بينا حكايات هوانا
والدنيا تغني لينا وقلوبنا بترقص. جوانا
ونعوض الليالي اللي راحت وانت عني بعيد
وافرح لما اشوف حبيبي معايا متهني وسعيد
ازاي اسيبك وانت حبيبي وانا حبيبك ونصيبك
خواطر ( أشرف الدغيدي )
حقوق الملكية محفوظه

١

إنهض .. علي آل خزام

علي آل خزام

إنهض ..
من عمق الاحزان
إكسر قيودك
حلق على
صدري
مابين
الحب
ولأ
حب شتان
انت كل حبي
لا تكن لي
رحيلا،غربة….
انت فرقان الحق
انت الفرقان
إنهض لا تيأس
إصمد،لاتنحني
وأن جار عليك
العدوان.
عرفتك سيف
لا يعرف غمدا
تجول في الوغى
انت صهيل،صيهل الفرسان
كبوتك كبوت،فارس
لا،كبوت،خسران.
علي. آل. خزام.

خربشات نسراوي ... محمد النسر 🦅🇪🇬

محمد النسر

ليس كل غريق في الماء يغرق...
فالبعض يغرق في الندم...
والبعض يغرق في شرود نظرات يسبح في سماه...
والبعض يغرق في شوق أبكم...
والبعض يغرق حبا في غرام مشاعر صماء...
والبعض يغرق بنسيان يقصده لتصبح ذاكرته إستثناء...
والبعض يغرق لإحتياج من أصبح حضوره وغيابه سواء...
والبعض يغرق في همومه مستسلما كل مساء...

خربشات نسراوي
محمد النسر 🦅🇪🇬

أعجبني

تعليقمشاركة

التعليقات

إغترابى =====سامح توكل أبوالسبح

سامح توكل أبوالسبح

إغترابى
=====
إحسبو الأيام وشوفو
إيه باقى لى من شبابى

تلقو عمرى كله شايب
عقد ملضوم فيه عذابى
لما كانت لى عيله
نور ينور لى ضبابى
كان أبويا ويا أمى
ضى يكشف لى سرابى
قلب جامع حب ساطع
يحتوينى فى اغترابى
كانو نسمه بحر رحمه
شهد يملا كؤوس شرابى
ودعو الدنيا وسابونى
أشكى همى واكتئابى
ومين هيسمع قلب دمع
مين يقدر كل مابى
دنيتى صبحت غريبه
كشف ضايع فيه حسابى
لوصحيح أنا لسه عايش
ليه حرقتو فصول كتابى
ليه تحاربو الستر فيا
ليه تعرونى ثيابى
لو هاحارب ربى غالب
ليه سجودى واقترابى
=====
بقلمى سامح توكل أبو السبح

أعجبني

تعليقمشاركة

التعليقات

اكتب تعليقًا...

العيش والملح ====سامح توكل أبوالسبح

سامح توكل أبوالسبح

العيش والملح
====
عيشك وملحك فين
صاينه بقى لى سنين

بعته فى غمضة عين
دفنت راسك فين
فى الوحل ولا الطين
ياصاحبى طبعك شين
وانا كنت فاكرك زين
كنز الصحاب ملايين
الخطوه فيه فدادين
لو تحسبه بالدين
هتكون من المساكين
أنا قلبى كان بساتين
تطرح ورود وحنين
رويتها ليه بأنين
والغدر على الجنبين
لوللوفا عمرين
عمرك ياصاحبى يومين
كاسى هنا فى جبين
وأنت كؤوسك طين
قطعت ليه العناوين
وحرقت فى الياسمين
واتفرقو القلبين
خنجرك مسموم ياريته كان سكين
=====
بقلمى سامح توكل أبوالسبح

أعجبني

تعليقمشاركة

التعليقات

اكتب تعليقًا...

ياأحلي ابتسامه...... فيفي الجندي

Fefe Elgendy

ياأحلي ابتسامه
تشق العتامه
تنور طريق
في آخره السلامه
بالحب تنادي
مااحلي الليلادي
لعصفور كناري
يغني ويضحك
ويقدم لسالي
الورد الغالي
وتسهر جفونه
وتظهر في حلمه
يعيش بأشتياقه
وقلبه اللي حب
فراشه في ربيعه
مااحلي الكلام
والشهد اللي داب
يسكر فؤاد
ياقلبه اللي عاش
وحب الغزال
......
فيفي الجندي

غرفة التجهيز ===========للشاعر الكبير ..خالد عاطف ابوالعزم

خالد عاطف ابوالعزم

نمتطى دواباً .. ويمتطينا بشرٌ .. وأمتطىَ قلبى .
غرفة التجهيز
===========

كوبايتى فاضيه ..
قلبى ليه مليان ؟ .
فاضل شوَّيه .. ب ساعة الدخان
يعلا الرماد ..
تتبدد الريحه .
والدنيا طفل ..
مالوش عيون وودان .
ب اشرب .. هَوَا ..
واكتب كلام .. ع الهوى .
نًبْتَه .. لاهى بتكبر ..
ولا ب تستوى .
لاجعان ياكلها .. أو أنا أشبع !!
عربيه راجعه بقوه .. على مَطلع !!
من النهايه .. لحد خط الميلاد !!
بلاد تشيل .. ماتحطنيش ف بلاد
وَعَدِتنى تكتب إسمى .. ع الحيطه
لو فيه شهاده لابسه برنيطه
وفيها صورتى ..
عربى .. ولاتينى .
مكتوب وراها - يا عزيز عينى -
وانا عينى عينك ب اكره الشهادات
والعن عنيَّا ..
لو عيون خواجات .
وعمرى ما اتلزَّقت ف البهوات
ولعبت على أحلامى كوتشينه
أنا واللى شبهى كُنَّا تخشينَه
فى عَقْب باب .. تمنع دخول الهوا
يادوب حمايه لبيَّاعين الهوى
من برد طال اللحم .. وأذاهم
اتعروا قبلُه ..
وهوَّ عَرّاهم .
طَلَقوا البخور .. واستعملوا التعاويذ
وحنَّطونا .. ف غرفة التجهيز
من غير نقوش ولارسم على حيطه
كانت جنازه .. ف شكل توريطه !!
مش راضى عنها .. وبيها .. أى إله !!
أنا لمّا شوفتك كنت حاسس ...... ياااه
إحساس عجيب .. ما اعرفشى اقوله ازاى !!
عضمى اللى رايح .. جوّه لحم الجاى
وخوف .. معشّق ف ارتياح مجنون
وقلب فاخر .. ب الوجع مسكون
وغيط أمانى مروى ب الراحه
مشرط .. رمانى ف دنيا .. ف جراحه
وقال لى روح ..
إنزل هناك .. ماتجيش .
الريح أخدنى .. لقيتنى لسّه .. مافيش
لا ليّا لون ..
ولا إسم ف بطاقه .
لكن ب اشوفك ف السَدَد .. طاقه
و حجاب أغانى .. حمايه م التعاويذ
وإطار ل صورتى .. لو مافيش براويز
بإشاره سوده .. مع كلام دينى
ونحاس .. ب لحن جنايزى .. ينعينى
تعزف الآته .. ويرقص الكَهَنه
وتغنى إنتى .. يا عزيز عينى .
_____________________
غرفة التجهيز .. هى غرفة لتجهيز الميت للدفن عند الفراعنة
يا عزيز عينى .. اغنية من الموروث الشعبى المصرى كانت تغنيها الأمهات لأبنائهن المأخوذين قسراً للعمل بالسخره فى حفر قناة السويس
خالد عاطف أبو العزم
( من ديوان مشروع إله )

١

هواجس الأصيل ........علي جابر الكريطي

علي جابر الكريطي

هواجس الأصيل
.................
أنت هناك حيث الشمس تدحرجت نحو الغروب
وهذا الطريق إليك طويل وموحش وكئيب
مهلا يارفيقة الشمس
مهلا يارفيقة الروح
لا ترحلي وتتركيني على قارعة الضياع
لا تتركيني مثل أوراق الخريف
تزجرها الرياح فتهرول منهكة نحو مثواها الأخير
حيث قبور النسيان
ترى هل تشرقين مع الشمس عند الصباح
وتملئين قلبي بالبهجة والارتياح
هل يغتسل صباحك بالندى ويعبق الشذا
إنتهى حلم الحصاد
سنابل الآمال تكسرت
وتبخر رحيق الأمنيات
ورود الروح ذبلت واحترقت أجنحة الفراشات
غسق الليل داهمني
والأرق فرش سجادته ليقيم الليل على أشلائي
ليل بلا رقاد ليل يطرزه السهاد
أبحث عنك في الدروب
أصيح باسمك في الوهاد
لا صدى يرد و لا جواب
حتى متى البعاد حتى متى الأرق حتى متى السهاد
علي جابر الكريطي العراق

١

لحظات الفراق.. ... علي ياقوت الزعيقي

علي ياقوت الزعيقي

دايما ...
لحظات الفراق
بتحصل بسرعة
نبتديها ببسمة
وننهيها بدمعة
بحركة ايد نسميها سلام
ونظرة حالفة يامين
انها مش
راجعة
ودق قلب فى الفاضى والمليان
طالعة طالعة
وحكاية ملهاش ناس تحكيها
وودان معدتش قادرة
على السمعة
الكل ملهى
وعايش الخُدعة
ومن غير ماندرى ولانعرف
فى لحظة نحس
ب الوجعة

على باقوت
مصر

٣