انا لسه شايفك نجمه بتقيد ف النهار
و الكل ماشي ف حضرتك
بتضوي ف عنيا إنبهار
وانا قلبي كان بيحاول انه يلمسك
او يخطف الروح م الممات
انا لسه شايفك نور بيعلا ف السما
يمحي ظلام الوحده من كل القلوب
انا لسه شايفك وسط شعري الملهمه
يا رمز صوت العشق ف عيون البنات
يا صوت نغم مالي السكات
يا حلم مادد للبراح
شكل الصباح
ف عينيكي اجمل م الشروق
يا قمره وخداني لفوق
يا زرعه خضره
ف أرض غطاها الجفاف
وانا عشت عمري سنين عجاف
مبقتش معاكي بحس خوف
لكن الكسوف
إنك تكوني مش شايفه البشر
اللي حياتهم بسمتك
واللي طريقهم سكتك
طالبين حياه
يا لون الحسن ف عيون الشباب
واربي لي باب
او افتحيلي شيش من جوه رمشك اندهك
اعشقك
او صرحي بدفني وقولي خلاص مفيش
ميهمنيش انك تروح
ضمن اللي راحوا للعذاب
بعد الغياب
وقت انسحاب
وقت انسحاب الحب وطلوعه بروح
ليست هناك تعليقات:
إرسال تعليق