سهرانه وياك ياليل الليل بطوله
ولمين غيرك عن اللي جوايا أقوله
جوايا اشواق وحنين هحكيهالك
والليالي اللي عذبتني هشكيهالك
حبيبي غايب عني وغيابه شاغل بالي
ليه أحبه وهو مابيرحم حالي
يهون عليه يخاصمني ويهجرني
ومن ليالي هواه يحرمني
واشتاقله يزيد قسوه ويبعد عني
وحنيني ليه كتير معذبني
وشوقي ليه علي طول ليه سابقني
ليه يخلي فرحتي دموع وأنين
وليلاتي أستناه وقلبي مليان حنين
ويهون عليه يسيبني وحيده في دنيتي
دي خدودي كانت ورد ودبلت من دمعتي
والقلب اللي حبه ودوبه بكلامه
عذبه وحرمه ليه من جماله
وليه يموِّت جوايا فرحتي بغرامه
الدنيا من غيره مليانه أحزان
لافيها فرحه ولا أمل ولا أمان
وأشواقي ليل ونهار بتناديه
وطيفه شاغلني مابيطمني عليه
ولا بيبعتلي مرسال يفرحني بيه
واسهر الليل مشتاقه لغرامه
مين غيَّر حبيبي وغيَّر أحواله
فين حنية قلبه ونظرة عنيه
ومين قساه عليا وايه جري ليه
بعيد عن عيني وساكن في قلبي
ياريته يرحمني من هجره
دا الحرمان قتلني في بعده
لا قلبي قادر يتحمل قساه
ولا عيني قادره تخبي دموعها وتنساه
